الشي اللي يزيد عن حده

سمعت من قديم المثل اللي يقول ( إذا زاد الشي عن حده ينقلب إلى ضده ) ومن خلال وجودي القصير في المنتديات شفت حاجات تحس انها خيالية ما تمثل الواقع اقرب تسمية ممكن تكون المبالغة والبكش

مثلا تلاقي موضوع اقل من عادي وتقراه مرة واتنين وتلاتة وتشوف انه يمكن ما
يستاهل النشر لكن تعالي شوفي الردود يمكن اكثر من الموضوع نفسه

( أختي الراقية المبدعة المحترمة )

( إن مرورك في موضوعي زاده جمالا وتوهجا وبريقا )

فهل هذا ضروري لاثبات قيمة الشخص ؟ وهل المجاملة بهذي الصورة ضرورية ؟ بصراحة احس المدح الكذاب اخو النقص والشتيمة

وما تحسو ان البعض جالس يحشي اي كلام ؟ يفكرني بجلساتي مع ستي

الله يرحمها اي حاجة تفتكرها تحكيها من غير لازم