peso مشرف المنتدى العام+الجوال
عدد الرسائل : 2846 العمر : 35 نقاط : 284714
| موضوع: تعالو نتغير عشان بلدنا تبقي احسن الأحد أبريل 05, 2009 10:54 am | |
| السلام عليكم ورحمة الله وبركاته
ازيكم يا مشاكل يارب دايما تكونو في احسن حال
طبعا اكيد في حاجات مضيقانا في حياتنا وحبيت اتكلم معاكم علي جزيء من الحاجات دي
انا في مشكله بشوفها كتير اننا بنشتم في مصر
اللي مفروض هي وطنا وبنقول دي فيها وفيها وفيها
طيب تعالو نشوف احنا بنشتم فيها ليه
بنقول انها زباله وعلي طول شوارعها مش نضيفه
طيب مش انت اللي بترمي الزباله دي في الشارع
يعني انت اللي بتخلي الشوارع مش نضيفه
عمرك فكرت انك ماترميش اي زباله عالارض وان تحطها معاك لغاية ماتروح بيتك وترميها
او تدور علي اقرب باسكت زباله عشان ترمي فيه الزباله لكن انت بتستسهل
يعني اللي بتشتم فيها دي مش هي اللي مش نضيفه (لأ) انت اللي مش بتحافظ علي نضافتها
نيجي لتاني حاجه
بتقول مافيش شغل وعاوز اسافر بره هالاقي فرصتي
طيب انت حاولت تدور علي شغل
انت عاوز اول ماتشتغل تبقي مدير؟
اكيد ماينفعش لازم تاخد مهنه علي قدك وبعدين تبتدي تترقي فيها بمجهودك
لما تيجي تقول الشعب المصري ده فيه وفيه و.و.و.
طيب مش انت من الشعب المصري ده مش انت اللي خليت سمعتها مش حلوه
بص انت عملت ايه كويس عشان تصحح فكرت الناس عن مصر
حاولت تصلح فيها ايه?
كل اللي بنعمله بنشتم وننقم علي عيشتنا واحنا ماحولناش نصلح من وضعنا
كل اللي بنعمله مجرد نسب ونلعن في كل حاجه وحشه
طيب ماتحاول تغير من نفسك واللي حواليك
احنا اللي نغير مصر بايدينا
ابديء بنفسك وماتستناش ان حد هو اللي يجي يقولك او يصحصحك
لو مش باديك حاجه انك تصحح من وضع البلد
عالاقل ابديء بنفسك واللي حواليك نبتدي احنا نجدد من حياتنا ونغيرها ونخليها احسن
ماتفضلش تشتم في البلد وانت اللي ماحاولتش تعمل حاجه وقاعد في مكانك
تعالي نخليها نضيفه تعالي نبقي ايد بايد عشان تبقي احسن
ليه مانشتريش المنتجات المصريه ونسيبنا من المستورده علشان الدخل يبقي احسن
ومانفعش البلاد التانيه علي حساب بلدنا
كل دي افكار كانت في دماغي وعاوزه اوصلهلكم
ويارب اكون وصلتها كويس
ومستنيه انكم كمان تخشو تقولو ايه تاني شايفينه عايزين نحسن منه بايدينا
تحياتي ليكم
| |
|