برنامج حياتنا

بسم الله الرحمن الرحيم

اول شي حابه اقولكم ان هذا الموضوع ارتجالي ووليد اللحظه ويمكن فيه احد تتطرق للموضوع من قبل ويهم الجنسين

انا كذا احس الكلام لما يطلع من اول مره يكون من القلب اذا شفت انه فيه اي تعديلات راح اعدل

زمان كنت اقرا سلسله كتب السيكلوجيه الاسريه والعلاقات وبعدين اهتميت بالبرمجه اللغويه العصبيه الnlp وتأصيلها

وكانت موضوع لاحد ابحاثي ايام الجامعه واسمع اشرطه صلاح الراشد واتابع قناه سماارت

والهدف اني اتغلب على سلبياتي مع كل هذا كان التغيير بسيط

ولكن بما اني بنت فأكيد عندنا سلبيات مشتركه مع باقي البنات اللي بيستفيدون اكثر ان شاء الله















انا اعرض شي بسيط من تجربتي والسلبيات اللي تغلبت عليها والسلبيات اللي تقبلتها وسرت اشوفها ايجابيه واتمنى الكل يستفيد
جبت دفتر وقلم وكتبت كل سلبيه بصفحه والحلول والطرق اللي تخلصني منها

اول شي المظاهر يعني اذكر اول مادخلت الجامعه رحت اشتري نظاره شمسيه ب1800
وكان ابوي يقولي والله يابنتي عيونك حلوه ليش تغطينها عن الناس (اسلوبه
خطير) وانا زعلانه لانه مو راضي واكافح عشان اشتريها
كله عشان اكون لابسه فندي او شانيل وطقتها هذي من السلبيات اللي ماتخلصت منها ميه بالميه بس تحسنت

المهم والزبده انه نسوي برنامج لحياتنا يبدا بمشروع التغيير
الشكل الخارجي مهم نهتم ونتعب عليه (انا من مؤيدين عمليات التجميل) امزح ترى الموضوع له ابعاد دينيه


بس مهم نكون راضين عن نفسنا اول شي انا تعبت فتره يمكن شهرين اكره النحافه
وكنت حابه ازيد وزني بذلت مجهود مادي ومعنوي اول شي اخذت موعد عند برفسور
بالتغذيه اخصائيه ممتاازه ومشيت على النظام الغذائي شهرين وانا راضيه تمام
الرضى والي يقول هذي قشور وسطحيه غلطان

لانه كثير مثلي انا لما اكون كاشخه ولابسه شي مميز وحاضره محاضره وعندي
فكره اطرحها بدون تردد واتكلم بثقه مع استاذتي وقدام ميه طالبه لكن اذا
كنت ذاك اليوم ماشيه اي كلام ما اقدر اشارك او بالاصح انحرم اتكلم والفت
النظر لي
يمكن فيه خلل بس هذا اللي صاير ومع كثير يعني البنات جسم بشره شعر هذا من ناحيه الشكل


اما الديين
برنامج حياتنا لازم يكون فيه اساسيات وركائز اذا تمت قامت حياتنا بالشكل
المطلوب الاستغفار بعد الفرائض قدر المستطاع واعتبار هذا العمل من
الاولويات

السنن استشعار الربح والفوز الحاصل اذا قمنا فيها منها اليومي والاسبوعي مثل قرائه سوره الكهف الجمعه

المواظبه على صلاه الوتر

صفحه وحده من القران الكريم واختيار الوقت للقيام بذلك يعني انت يناسبك
تقرا بعد العصر وانا يناسبني بعد المغرب وغيرنا يناسبه بعد الفجر
المهم اعتبار هذي الامور من الضروريات

التمتع بالحياه سوي لزوجك مفاجئه والمنتديات مليئه بالافكار مثلا احجزي شاليه او استراحه اذا عندك ارقامهم او وصي واحد من اخوانك
وجهزي اغراض الشوي


بعدها بشهر احجزي بفندق مميز تغيير عن البيت وانسي المطبخ و

لاتقولين ماعندي فلوس جمعي واحسبي حسابك من بدري لهالاشياء بس فتره بعد
كذا زوجك حتى لو مايفهم بهالامور بتلقينه هو اللي يجهز ويسوي مفاجئات


اخيرا اذا انت من جوا حاب او حابه تغيرين سلبياتك وتحولينها تقدرين ولا احد يقول انا مستحي او مستحيه
يعني اذا انت صوتك عالي وتبينه يسير واطي ومتفشله مثلا انه احد يقولك
ياعيني مسويه نفسك وتتصنعين ماعليك هذي التعليقات بتسمعينها يومين ثلاثه
بعد كذا كل اللي حولك بيتعودون انه صوتك واطي واذا جا يوم وعليتي صوتك
بيستغربوون

واتمن التوفيق للجميع وياليت كل واحد يكتب لنا اي سلبيه بحياته واذا قدر يتغلب عليها او لأ







1/تحبين المظاهر ولو تموتين ماتلبسين نفس الفستان مره ثانيه وبس قدام المرايه تعدلين بشعرك

2/حساسه ودموعك على طريف

3/تأخرين صلاتك وتستعجلين فيها وماتخشعين

4/وقتك مو مرتب مره ضيق ومره فراغ

5/جسمك مو عاجبك نحيفه او سمينه















وعلمي زوجك قبلها بيومين بس عشان لايرتبط واطلعي انت وعايلتك