عمرو دياب ف حفلة القوات الجوية ورؤية فنيه .. خضة عمرو دياب الوحيدة ف 2007 مش متعودين

بداية شرف لينا كديابية شرف لينا كمحبي عمرو ان عمرو يظهر ف كل القنوات المحليه ف حفله يشهدها الرئيس مبارك واختيار موفق لنجم النجوم وصاحب لقب رقم واحد ف عالم الغناء العربي


اه مبسوطين بطلة عمرو دياب علينا ما شاء الله جسم تحت بند مستر برفكت بدله اتعملت بالكربونه علي عمرو دياب رغم اعتراضي ان البليزر كان صغير شوية ياعمرو عضلاتك وجسمك ما شاء الله ياراجل محتاجه اكسين لارج للبليزر نمسك الخشب .. ووش عمرو رايق وفايق ومش عايز اجزم ان عمرو كان ف الجيم قبل الحفلة جسمه ما شاء الله ف ابهج صوره


لاازم يخرج علينا بجديد حتا ف حفله رسميه ميه فا لميه الجرافت كان جديد غلينا وجديد علي عمرو وجديد علي مصر كلها انا افتكرته سكارف ياراجل ف الاول مربوط بطريقة ما لحد ما كل البيت اجزم انها جرافت

نخرج من جو الشكليات وندخل ف حفل القوات الجوية وخضة عمرو دياب ف 2007


ببدأ مع بعض .. عمرو دياب كأن صوته حبيس عمرو دياب بيغني علي استحياء وخوف ودي انا عذره فيها جدا الحفله مذاعه علي كل القنوات الارضيه والفضائيه معنا كده انه اثبات ودليل جديد بيقول ان عمرو دياب مطرب مصر الاول بدون ادني شك .. عمرو ابتدي بدايه صاروخيه انا عن نفسي صدمت بيها الليلادي حمولة دياب التقيله ف البومه زي ما نقول بلغه الحفلة الحربية صاروخ ارض جو ابتدي بيه حفلته ولكن ..!!!! فين ياعمرو حركاتك وكلمة يالا اللي بتولع بيها قلوب محبيك فين صفارتك ف السولو لما بيتلعب ف الليلادي ..


واحد يقولي الكلام ده ما ينفعش ده الريس ياعوبد اقول والله عذره بس احنا مجرمين زي مطربنا متعودين منه علي كده .. وهقولكو علي حاجه صغيرة النهاردة اضفلي سبب جديد ليه عمرو دياب متربع علي عرش الحفلات لان طبيعته ف اللي احنا بنشوفه ف حفلاته الشبابية ..مش متعودين ان عمرو يغني في دائرة لا تتعدي الثلاث امتار فين العملاق اللي بيتحرك علي المسرح كده كده هو جامد بس النهاردة يادياب شفنا نص حمولتك الديابية النص التاني كان حبيس الرسمية اللي كنت بتغني من خلالها


الحفله لم تخلو من حركات ومداعبات دياب نجم ف كل حته ... ليلي نهاري وصقفتها حطيت ايدي علي قلبي ياعمورة الريس مش متابع الحركة الديابية ولا الفيديو كليب وخليته يعمل الصقفة مفتري من يومك ما سبتش حد ما عملش ليلي نهاري


الفرقه جالها عدوي الخضه من دياب طنطاوي باين عليه قوي خضته مصطفي اصلان شغله علي استحياء .. احمد ربيع ورجاء مكرر لما عمرو يطلع ايده فوق ياريت لما ينزلها تضرب معاه طارة الدرامز هو بينزل ايده وبعدها نسمع الطارة عايزين دينامكية ف الاداء ياربيع بقا ده انت متربي مع الهضبة


لحظة تألق وحقيقة حسيت ان ده دياب .. ضحكت يعني قلبها مال .. قريبة من قلب عمرو الغنوة ده ليه مش عارف اطول اغنيه عمرو عاد ف كوبليهاتها وبجد كان صوته انطلق مكنش حبيس هيبة الحفلة

ف اخر كلامي ..اسهم عمرو دياب بقت ف السما خلاص خلص الكلام وعمرو بان وقال للناس كلها مفيش غيري يقدم حفله تشوفها مصر كلها وعلي تليفزيون بلدي .. عمرو دياب عاتبت عليك وزعلت منك لما قلت انا مش صغير وبقالي زمان بغني ياريس .. مش محتاج تقدم تاريخك ياعمرو مش محتاج تبرهن ان ليك اغاني ناجحه لو مكنتش رقم واحد مكنتش وقفت وغنيت .. العالي دايما ف مكانه عالية ياعمرو وانت رقم واحد ياهضبة


حفلة جديدة ورصيد جديد ف حسابات نجاحاته .. نقطة جديدة بتنضاف لمشوار فني كبير يوم عن يوم الناس بتقول النجم بيظهر لحفلات النجوم مش بيظهر غير ف الاعياد وبس .. سفير مصر عمرو دياب يغرد امام الملايين .. اقولك ايه ياعمرو انك شرف لجمهورك ومن نجاح لنجاح ياهضبه ياجامد

منقول للامانه