كرهت دراستي الجامعية

انا طالبة في احدى الجامعات ....

و لكن صار لي مشكلة نفسيةصرت اعاني منها ليل و نهار ... هي الاحباط و اليأس من اللي يصير في العالم...

يعني مثلا كثرة القتل و التشريد و الامراض اللي بالناس.... الشيطان اللعين
يقول لي.. شنو فايدة دراستك هذه... ما تشوفين العالم شنو فيه من احداث
مأساوية و انتي قاعدة تروحين يوميا للجامعة و تدرسين... يقول ما تنفعش
الدراسة...

ايضا يقول لي الناس قاعدة تعاني من امراض و انتي مرتاحة تروحين للجامعة و
تدرسين و لا كنه صاير شي... هناك شباب ماتوا في سنك و هم في مرحلتهم
الدارسية .. فشنو فايدة هذه الدراسة الليي يمكن في منتصف دراستش يختفش
الموت...

الشيطان يريد مني ان اترك دراستي الجامعية بسبب هذه الاشياء اللي تصير في
العالم؟... ايا يقول لي اكو ناس حصلو على شهادات و لكن ما توظفوا و ادا
توظفوا بكون توظفوا بأقل من الشهادة اللي عدهم..

و بالفعل نزل مستواي الدراسي بشكل رهيب و طرشوا لي انذاريين و هذا الكورس اخر كورس لرفع المعدل او الطرد؟؟؟
السلام عليكم و رحمة الله و بركاته..