المايسترو دياب : أبدع و تألق في الاعلان ... شرح تفصيلي خش وشوف

بداية الاعلان
صورة من منظور عين الصقر اللي بيكشف كل البحر وفيه جزيرة بعيدة , يعني كل عوامل الصيف والجو الجميل

اضغط على الصورة لرؤيتها بالحجم الطبيعي

اللقطة التانية , قريبة شوية من اليخت من فوق , وبتظهر الناس اللي قاعدين علي المقدمة في استرخاء واستجمام
وخللو بالكو ان الموسيقي اللي شغالة اوروبية , ومالهاش علاقة بعمرو
خالص

اضغط على الصورة لرؤيتها بالحجم الطبيعي

بعدين اتنقلنا للكابينة بتاعت الركاب وبنلاقي موديل الاعلان وهيا معاها صينية عليها مشروب المياه الغازية
والناس تخطفه منها وما يتبقاش الا واحدة بس

اضغط على الصورة لرؤيتها بالحجم الطبيعي

عمرو كان قاعد في الخلفية , يقوم من مكانه و رايح ياخد اخر واحدة

اضغط على الصورة لرؤيتها بالحجم الطبيعي

تقوم الموديل بدلال تبعد عنه ( ليه ما اعرفش , جايز بتعاكسه , هيا اصلا كانت واكلاه بعينيها اول ما دخلت الكابينة ) وعمرو يقرب منها

اضغط على الصورة لرؤيتها بالحجم الطبيعي

تيجي تتدور علشان تديله الكانز , يحصل نقطة التحول في الاعلان
الكانز يطير ويبعد لحد مقدمة اليخت , ازاي , طبعا علشان الهوا كان جامد ( افتكر دي مفهومة يعني مش محتاجة سؤال ) الاعضاء هنا بتفكر بطريقة غريبة ساعات

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

وبعدين نظرة دهشة شقية علي وش الموديل

اضغط على الصورة لرؤيتها بالحجم الطبيعي

نلاقي عمرو مبتسم في ثقة وهدوء , ومن غير لا كلام ولا حتي سلام لقينا في عينيه كل الاحلام

اضغط على الصورة لرؤيتها بالحجم الطبيعي

بعد كدة ندخل علي موضوع الاعلان ... عمرو احسن دي جي مان
يشغل الدي جي في القسم الخلفي من اليخت وهاتك يا مزيكا ورقص

اضغط على الصورة لرؤيتها بالحجم الطبيعي

بعد كدة منظور عين الصقر من تاني , ونلاقي الناس اللي في المقدمة رجعوا علشان يرقصوا مع المزيكا ( ده عمرو برضو يا جدعان ) وتشتغل انت الغالي

اضغط على الصورة لرؤيتها بالحجم الطبيعي

وهنا فيه حتة مجرمة من المخرج ( هو الاعلان كله مجرم اصلا ) بنلاقي ان الناس مش قادرة تصبر لحد ما توصل لعمرو وبترقص في السكة

اضغط على الصورة لرؤيتها بالحجم الطبيعي

وبعدين مشاهد من الفرحة والمرح والرقص علي انغام دياب
كل ده وعمرو متقمص ومندمج تماما في دور الدي جي مان المرح المنطلق
من الاخر عمرو المايسترو

اضغط على الصورة لرؤيتها بالحجم الطبيعي

وبعدين المخرج ياخدنا لكابينة القيادة , ونشوف القبطان وهو قدامه الاجهزة بتاعت اتزان اليخت بتطلق الانذار

اضغط على الصورة لرؤيتها بالحجم الطبيعي

وهنا تيجي اروع لقطة من وجهة نظري لليخت وهو مايل شوية لورا ناحية الدي جي

اضغط على الصورة لرؤيتها بالحجم الطبيعي

دلوقتي اللي ما فهمش عمرو هيفهمه , و نورهان بنت خالي الصغيرة هتتنطط وهيا بتقول : شفت يا بابا ده عمل كدة علشان الكانز ترجعله
وبعدين مشهد عمرو وهو بيلتقطها , ولا اجدعها لعيب بيسبول فيكي يا أمريكا اللي عمرو بيقضي فيها أجازته بعد 2 مليون نسخة من ألبوم الليلادي

اضغط على الصورة لرؤيتها بالحجم الطبيعي

وييجي مشهد شرب المياه الغازية

اضغط على الصورة لرؤيتها بالحجم الطبيعي

وبعدين اشارة من عمرو علشان يفتحوا مستودع الكانز علي اليخت

اضغط على الصورة لرؤيتها بالحجم الطبيعي

وفي الاخر مشهد عبقري ولا اروع
منظر عين الصقر من تاني ( خلوه عين النسر المرة دي ) واليخت يتهادي في البحر

اضغط على الصورة لرؤيتها بالحجم الطبيعي

يااااااااااااه يا عمرو من الصبح لحد الغروب وهما بيسمعوا اغانيك
سامعين عمرو بيرد عليا ويقوللي ايه ؟

آآآآآآآآآآآآآآآآآآآآآآه

انت الغالي يا عمرو , والله أنا ليا الشرف اني واحد من جمهورك