مجلة شو فيرى ميكس العددلاول

خليك جنتل مان .. وركب اريال !!

بقلم / أكرم صبرى

أصبح شىء عادي جدا لما تفتح أى جرنال يومي أو اسبوعى أنك تلاقى باب مشاكل
القراء ، وتلاقى صحفى أو كاتب عمال يحل مشاكل القراء اللى بتتبعتله ،
وزمان كان فى عدد الاهرام الاسبوعى باب للراحل عبد الوهاب مطاوع رحمه الله
، وكنت أتابع الباب ده ، مش علشان اقرأ المشاكل بقدر ما كنت عاوز أتعلم من
عبد الوهاب مطاوع وطريقة تفكيره وازاى بيحل مشاكل القراء بحكمة وبخبرة
حياتية عالية جدا .. من بعد عبد الوهاب مطاوع متلاقيش حد ممكن يجاريه فى
المجال ده ، وكل اللى بيحلوا مشاكل القراء دلوقت ولا يعرفوا فى البطيخ ..
وتلاقى حلولهم عبارة عن كلام إنشاء زى مقالات البطيخ الموجودة فى الجرايد
بالضبط .. فحلول ملهاش اساسا اى علاقة بالواقع .. ولا حتى ان الكاتب بيحط
نفسه مكان صاحب المشكلة ، لكن هو شغال تهييس واى حاجه علشان يخلص الصفحة
اللى مطلوبة منه ..

وقع فى يدي كتاب إسمه (( أحرف وكلمات )) للكاتبة الصحفية / كريمة شاهين
وهى كانت رئيس قسم النهضة بمجلة المرأة اللى بتصدر فى الكويت زى ما بتقول
فى الكتاب ، المهم الكتاب نفسه عبارة عن مشاكل القراء اللى كانت بتحلها فى
الجريدة ، جمعتها وأصدرتها فى كتاب اللى هو ( أحرف وكلمات )... المهم ان
ردود الاستاذة (كريمة شاهين) على القراء تحس أنها عايشة فى كوكب تاني ، او
بتتكلم بمثالية عالم سمسم ، أو انها بترزع أى كلمتين والسلام علشان تنجز
وقتها .. والكتاب مليان بحكاوى غريبة وردود اغرب من الاستاذة كريمة ، انا
حكتفى بمشكلة احد القراء اللى بعتها من سوء حظه للاستاذة كريمة، وكانت
بعنوان (( غراميات زوجتى)) ص 115 من الكتاب ..

المهم نشوف الراجل ده باعت بيقول ايه عن مراته وحلخصلكم كلامه وحديكم منه زهرة الزهرة ، الراجل بيقول الأتى:

(( أنا متزوج من فتاة لها ماضى .. كل اصدقائى يعرفون ماضيها اللعين
ويتغامزون علي ويتساءلون كيف تزوجتها؟ ..صرت اقتفى اثرها فى كل مكان مثل
المباحث ..أكتشفت انها على علاقة بستة رجال .. انا أعترف بكل ضعفى انى
احبها ولا اطيق الحياة بدونها ..فهل أسأت الاختيار وهل ما فعلته معها مجرد
حماقة وسذاجه ))

يا سلااااااااااااااااام

بعد كل ده ولسه بيسأل .. هو اصلا الراجل ده عاوز ينضرب بالنار .. متزوج
واحدة لها ماضى وكمان ماشية مع ستة رجال بعد الزواج ..وكل ده وهو بيسأل ..
يعنى من الاخر الراجل ده يستاهل اللى بيجراله ، ده سؤاله الاخير انقح من
المشكلة نفسها .. المهم بأه أن الاستاذة كريمة هى كمان كملت عليه وضربته
الضربة القاضية ولا تايسون فى زمانه وطلع الراجل هو اللى غلطان فى الاخر
.. يعنى مش كفاية الراجل لابس السلطانية ، ده كمان شال الليلة كلها ..

ست كريمة مش همها ان مرات الراجل ماشية مع ستة رجال ، دى مش فى بالها
اطلاقا ، هى اللى مضايقها ازاى هو يراقب مراته لما شك فيها ، فتقوله ايه :

(( فكيف بالله تعطي نفسك الحق أن تصبح بين ليلة وضحاها رجل مباحث مدربا ذا
خبرة وطول باع .. ألا تعرف القول الماثور من كان منكم بلا خطيئة فليرمها
بحجر ..اسمعنى لا داعى للخوض فى هذه المواضيع المزعجة ، المثيرة للاعصاب ،
كن زوجا طبيعيا وعش حياتك معها .. ومع الوقت ستزول هذه التصورات ))

اتفرج يا سلام على الكلام البتنجان

يعنى الراجل طلع مش طبيعى كمان .. وطلع هو الغلطان .. ولازم يروح يبوس راس
مراته .. يعنى من الاخر الست كريمة عاوزاه جتنل مان ويركب اريال يجيب كل
القنوات ، أو يقطع تذاكر ، يعنى انا مش عارف الست كريمة ايه حلولها
الجهنمية دى .. وبعدين تقوله فى الاخر ( ربنا غفور رحيم ) يعنى اساسا
الراجل لم يذكر فى قصته المهببة دى ان مراته تابت ، وبعدين حتى لو تابت
وطلقها برده محدش يقدر يلومه ، في حاجات الانسان ما يسامحش فيها ، أما
(غفور رحيم) دى بين العبد وربه مش بنتكلم عليها ..

يعنى الحكاية من اولها لاخرها تنرفز بداية من الرجل اللى هو اصلا تعبان
ومفتقد للقوامة والرجولة الحقيقية ، انتهاء بالست كريمة وحلولها الجهنمية

اهى دى نوعية من الناس اللى بتحل مشاكل القراء

مع ان اغلبهم محتاجين اللى يحل لهم مشاكلهم الشخصية

ما علينا ..

بجملة المهيسة

الموجودة

مذكرات أعضاء المنتدى
سنة أولى جامعة
(( الحلقة الأولى))
بقلم / سندس

بيتهيئلى أن حلم أى طالب فى الثانوية العامة أنه يخلص ويدخل الجامعة ..
وده كان حلمى فعلا كان نفسى أخلص من الثانوية العامة ومن همومها وأدخل
الجامعة ، وكان تفكيرى وقتها أن أهم حاجه بالنسبالى فى دخولى الجامعة هو
التخلص من الزى المدرسى الملل ، اللى كان مفروض عيلنا نروح به كل يوم ،
والتخلص من طابور الصباح ومن ملل الاذاعة المدرسية ، كانت فكرتى جامعة بأه
وحنصحى زى ما نحب ونروح زى ما نحب... ومش مفروض عليا كل يوم أنى اصحى
الساعة 6 ونص الصبح ..واقف على باب العمارة مستنية اتوبيس المدرسة ... كل
الحاجات دى مجتمعة مع بعض كانت دافع لي أكتر على انى اجتهد فى المذاكرة
علشان عاوزه اخلص المرحلة دى .. والحق يقال أن أخر سنة فى الثانوية العامة
مرت بسرعة .. يمكن علشان أنا مكنتش بحضر الحصص وبزوغ على المرسم بتاع
الاستاذة (هدى) اللى كنت بقضى فيه أغلب الاوقات .. وهى مشكورة كانت
بتظبطلى الغياب لانها كانت شايفة فى شخصى البسيط مشروع رسامة هايلة ،
وحببتنى انى ادخل كلية الفنون الجميلة اللى بعد كده مكنتش لي نصيب وادخلها
..

المهم ظهرت نتيجة الثانوية العامة ، وراح بابا يجبلى النتيجة من المدرسة
وأنا كنت نايمة ومرضتش أصحى أروح معاه اجيب النتيجة ، كنت خايفة أوى من
النتيجة ، المهم انها ظهرت وصحيت من النوم على الزغاريط وبنات صحابى من
العمارة كمان نطين فوقى على السرير وبيبوسونى ، وكان أول سؤال سألتهم هو
انا نجحت ولا ايه يا جماعة ؟ وجاء الرد من ماما 95% يا إسراء ..كنت حاسة
ان قلبي خلاص حيطلع كده من جوه .. كنت فرحانه .. كنت عاوزه اغنى .. اتنطط
أعمل اى حاجه .. قمت بسرعة أخدت دوش ولبست أشيك طقم عندى وخرجت لاقيت
العمارة كلها عندنا فى الشقة .. وبدأت مراسم الاحتفال ..

المشكلة اللى واجهتنى بعد كده ان والدى كان عاوزنى ادخل كلية الهندسة ،
وأنا قولت فنون جميلة .. ودخلنا فى مرحلة المفاوضات.. يا بنتى رسامة ايه
وحيكون ايه اخرك تقفى بشوية لوحات على اول سيدى بشر ترسمى الناس ..يا بنتى
انتى جايبة 95 % .. و...و... الخ ، أنا حقيقى معنديش اعتراض معين على كلية
الهندسة وبحب الرياضة والرسم الهندسى وكل الحاجات دى .. لكن كانت القضية
بالنسبة لي قضية اولويات وترتيبات ،وكنت مقررة واحد فنون اتنين هندسة ..
المهم قولتله يا بابا أنا حصلى صلاة استخارة .. وفعلا قمت بصلاة استخارة
مرة واتنين وتلاته وفى كل مرة اجد صدرى منشرح لفكرة دخولى كلية الهندسة ..
فقولتله خلاص يا بابا على بركه الله ، نكتب كلية الهندسة .. وظهرت نتيجة
التنسيق .. ودخلت الكلية .. كلية الهندسة .. وبدأت احضر لدخولى الكلية ..
طبعا ححضر ازاى لدخولى الكلية غير بشراء ملابس جديدة وكتير كمان .. وراح
اخويا وجابلى الجدول قبل الدراسة بيوم .. وبدات استعد للذهاب للكلية تاني
يوم ..ووصلنى والدى لباب الكلية بالعربية .. ونزلت وانا ببص نظرة عامة على
الكلية من بره .. الكلية بابها الرئيسى من ناحية شارع ابو قير ومنظرها من
الخارج منظر مهيب جدا ، تحس وانت داخلها انك داخل معبد من المعابد اللى
موجودة فى الاقصر واسوان .. وأعمدتها جامدة جدا تحس ان طولها ملهاش أخر ..

تركني والدى عند باب الكلية وراح شغله ، وتوجهت انا نحو بوابة الكلية ،
ولاقيت راجل عمال يبص فى كارنيهات الطلبة علشان يسمحلهم بالمرور ، ولما
وصلتله قاللى الكارنيه يا باشمهندسة ، قولتله أنا لسه جديدة ومعيش اى
كارنيهات .. امممممممم طب بطاقة الترشيح ... مش معايا انا مكنتش اعرف انى
لازم أجي بيها ..... طب هاتى البطاقة .. لالا البطاقة لا وامشى ازاى من
غير بطاقة .. طب وانا اعملك ايه مش حينفع تدخلى كده .. وبعد مشادات طويلة
اديته الكارنيه بتاع نادى الاتحاد السكندري اللى عليه صورتي .. ودخلت
الكلية وانا بقول اوووووووووووووف من اولها كده .. وطبعا حسيت انى تايهه
فى الكلية الطويلة العريضة دى ..

دخلت الكلية وكنت عاملة زى التايهة .. لاقيت ناس قاعدة على طرابيزات وتحت
شمسية واخر انسجام عاملين زى اللى بيقعدوا كده امام اقسام البوليس ..
رحتلهم وعرفت ان دول تبع اتحاد الطلبة .. ولا قيت معاهم كل حاجه .. خرائط
للكلية جداول للطلبة ..أخدت خريطة للكلية الواسعة وكنت ماشية ابص على
الكلية واقارن بين المرسوم وبين الحقيقة وكنت حاسة ان الرسم فى حتة واللى
انا شايفاه فى حته تانية .. فجالى احساس أنى انا ماشية غلط أو تايهه ..
وبصيت فى الجدول اللى معايا لاقيت عندى محاضرة فى مدرج 2 .. طب فين مدرج 2
ده ؟ ! ولا انا عارفه ..بس كان محدد على الخريطة فى الحتة الفلانية دى
مدرج 2 .. وانا عماله رايحة جاية فى الكلية علشان الاقى مدرج 2 ده ولا
لاقياه .. وفاضل 5 دقائق على المحاضرة وانا عاملة زى السائح اللى نزل بلد
مش عارف فيها اى حاجه .. المهم قولت اسأل بأه اى حد .. على أساس ان اللى
بيسأل ميتهش فى البلد دى .. المهم سألت واحدة كانت مريحة شوية على عربية
وقاعدة على الكبوت وواضح انها قديمة فى الكلية .. وبصراحة كانت متعاونة
وقالت ده برده منظر واحدة بتحضر محاضرات وهزت راسها وقالت مش عارفه ..
مشيت وانا حاسة خلاص بصداع وبقول فى نفسى ( ايه يا ختى البنات دى ) .. ومن
بعيد لاقيت واحد ببدلة جاى قولت اكيد ده معيد ولا حاجه .. وسالته ، الراجل
قعد يفكر وقاللى بصراحة هو من هنا (( وأشار لليمين)) ..أو من هنا (( وأشار
للشمال )) .. قولتله (( نورت المحكمة يا استاذ )) .. وسبته ومشيت ..وقولت
بلا محاضرة بلا وجع قلب لما انزل الكافيتريا اشرب شاى لانى صدعت خلاص ..
وسألت اول واحد قابلنى لو سمحت الكافتيريا فين ؟ وعلطول ادانى الوصفة
السحرية ولاقيت نفسى فى الكافيتريا ..دخلت الكافيتريا ولاقيت اللى بينادى
عليا وبإسمى..بصيت طلعت واحدة صاحبتى كانت معايا ايام المدرسة بس لم تكن
علاقتى بها قوية اوى .. وبعد التحيات والسلامات والذى منه .. قالتلى يله
نحضر المحاضرة ؟! قوتلها انتى عارفه فين مدرج الهباب 2 ده ؟! قالتلى اه
يله بينا .. قولتلها اممممممممم طب والشاى أنا مصدعة .. قالتلى بعدين يله
علشان نلحق ..

وصلنا لمدرج 2 وكانت فيه زحمة على المدرج والباب كان لسه مقفول والعيال
بتتزحم على الباب .. وبعدين وأنا وصحبتى بنتكلم عن الزحمة دى ، وصاحبتى دى
اسمها على فكرة ( فاطمة ) لاقينا واحدة بتكلمنا وبتتعرف علينا وبتقولنا ده
اول يوم بس بعد كده حتلاقى المدرج بينش .. قوتلها بسذاجة طب وانتى عرفتى
منين ؟ قالتلى محسوبتك مدبلرة .. وطبعا كانت المصطلحات دى غريبة عليا لسه
.. امممممممم يعنى ايه ؟ .. وفهمتى انها بتعيد السنة ..

واخيرا الباب انفتح ودخلت العيال افواج إلى داخل المدرج
وجرت فاطمة علشان تحجزلنا مكان وملاقتش
والبنت المدبلرة وضبطت حالها وكان فيه عيل حجزلها مكان
ووقفت انا وفاطمة
نبص للمدرج ومش لاقيين مكان
وفين وفين ... فى اخر بنش من بتوع المدرج لاقينا مكان
ودخل الدكتور
وبدأ المحاضرة بــ (( السلام عليكم ))
وكانت محاضرة تحفة ..مش فى المقرر
لا فى اللى جرى فى المحاصرة دى
نكمل فى عدد مزيكا المرة الجاية ان شاء الله
لان ايدى وجعتنى من الكتابة
(( على فكرة أنا خريجة دفعة السنة اللى فاتت))
إلى اللقاء يا مزيكاتاوية .

(1)
من فينا يقدر يربي بناته ...
على كيفه...
من فيكو شايل فى إيده سلاحه ...
أو سيفه..
علشان يخوف بناته...
من بصته وطيفه...
زمن الفضيلة رحل..
بشتاه وبصيفه...
وبناتنا عايشين زمنهم...
بصدقه وبزيفه ..
(2)
إفتح صدرك وغني...
واستقبل الهوا...
نسيم الصبح يدخل...
يغنيك عن الدوا..
والحب قام يغني...
واتشعبط على الشجر...
خلى الحاجات بترقص...
حتى الدود فى الحجر....
بعت الربيع إشارة ....
مع نسمة معطرة....
شمس الصبحية فرحت...
بكل اتنين سوا....
(3)
من يوم ما قلبي وعى...
ع الشعر والمغنى ...
أنا هويت كل شعر...
يتغنى له معنى...
وعشقت شيخ العرب...
والست وغناها...
وخدنى هوى بيروت...
لفيروز فى علاها...
لكن السنادي لقيت الموضة...
لحم الهوانم...
ورجعت اسمع حليم...
ونجاة ما أحلاها ....

فارس الفكر الاسلامي/ أنور الجندي
رحمه الله
إعداد /سندس

أعتقد أن كثيرا من قراء المجلة لا يعرفون من هو أنور الجندي ؟..ذلك المفكر
الاسلامي الفذ العملاق ، الذى كان يعمل فى صمت للدفاع عن دين الله عز وجل
وعن سنة نبيه صلى الله عليه وسلم ، ورحل أيضا فى صمت .. ولد أنور الجندي
رحمة الله عليه عام 1917 في مدينة ديروط بمحافظة أسيوط وقد هيأ الله جوًا
إيمانيًا خالصًا أحاط به من كل جانب , فوالده كان تاجرًا وطنيًا حفيًا
بالجهاد والمجاهدين , وكان مثقفًا متابعًا لمجريات الأحداث في عهده , وعن
طريق جده تعرف الجندي إلى عبد الكريم الخطابي زعيم الريف المغربي , وغيره
من الثوار المسلمين الأحرار , وسماه والده «أنور» تيمنًا بالقائد التركي
أنور باشا وإعجابًا بجهاده الذي كان يخطف الأبصار حينئذ .. وكان جده
قاضيًا شرعيًا يشتغل بتحقيق التراث , ويخط المدونات ويقتني نفائس الكتب ..
ولذلك ولد الجندي كبيرًا , وفي بواكير شبابه بزغ نبته مباركًا بإذن ربه
ليسامق الرافعي والزيات والمنفلوطي وزكي مبارك .. وغيرهم من أرباب البيان
العربي .

عندما سُئل أنور الجندي من أنت ؟ قال : (أنا محامٍ في قضية الحكم بكتاب
الله , ما زلت موكلاً فيها منذ بضع وأربعين سنة , منذ رفع هذه القضية
الإمام الذي استشهد في سبيلها قبل خمسين عامًا للناس , حيث أعُدُّ لها
الدفاع وأقدم المذكرات بتكليف بعقد وبيعة إلى الحق تبارك وتعالى , وعهد
علي بيع النفس لله والجنة ـ سلعة الله الغالية ـ هي الثمن لهذا التكليف
إنَّ اللَّهَ اشْتَرَى مِنَ المُؤْمِنِينَ أَنفُسَهُمْ وأَمْوَالَهُم
بِأَنَّ لَهُمُ الجنَّةَ [التوبة:111] . )

التقى المؤرخ العملاق والمفكر الكبير أنور الجندي بالإمام حسن البنا في
بواكير حياته.. أخذ فيه الجندي نفسه بنفسه على وضع منهج إسلامي متكامل
لمقدمات العلوم والمناهج.. فأخرج هذا المنهج في 10 أجزاء ضخمة يتناول فيه
بالبحث الجذور الأساسية للفكر الإسلامي التي بناها القرآن الكريم والسنة
المطهرة، وما واجهه من محاولات ترجمة الفكر اليوناني الفارسي والهندي،
وكيف قاوم مفهوم "أهل السنة والجماعة" وكيف انبعثت حركة اليقظة الإسلامية
في العصر الحديث من قلب العالم الإسلامي نفسه –وعلى زاد وعطاء من الإسلام-
فقاومت حركات الاحتلال والاستغلال والتغريب والتخريب والغزو الفكري
والثقافي..

وقبيل ثورة يوليو 1952 اعتقل المفكر الكبير أنور الجندي لمدة عام كامل ,
وفرضت عليه طوال العهد الناصري دائرة من التضييق والتعتيم والحصار , ولكن
شجرته الميمونة كانت عميقة الجذور باسقة الفروع , خصيبة الجني والثمار ..
فاستعصت على كل عوامل الحظر والإعاقة .. واستطاع بعد فترة من العنت الشديد
أن يعود للكتابة عن التغريب سنة 1963 بمجلة «منبر الإسلام» , وكان رضوان
الله عليه مستوعبًا لذلك جيدًا , حيث يقول : «ولقد كان من إيماني أن يكون
هناك صوت متصل , وإن لم يكن مرتفعًا بالقدر الكافي ليقول الإسلام» ..
فالاستمرارية والتواصل كان أهم سمة تميز العملاق الزاهد المتجرد أنور
الجندي .. «ولو تحت أي اسم آخر , فلم يكن مطلوبًا من أصحاب الدعوة أن
يصمتوا جميعًا وراء الأسوار» ..

هاجم أنور الجندى رحمه الله افكار دارون وأدلر ودور كايم وماركس وفرويد
وسارتر.. فقدم للإسلام والمسلمين موسوعته الخالدة «مقدمات العلوم
والمناهج.. محاولة لبناء منهج إسلامي متكامل» في عشرة أجزاء ضخمة من القطع
الكبير .. وهو ما تعجز عن إنجازه اليوم عشرات المجامع والهيئات والجامعات
, وتقصر دونه عشرات الميزانيات والخطط وجداول الأعمال ومئات المؤتمرات
والمنتديات واللقاءات ..

كان أنور الجندي رحمه الله زاهداً في هذه الدنيا ، وكان يطبع كتبه بما
يأخذه من الناشرين ، ومنزله مليء بالكتب ، وهو عبارة عن شقة بسيطة جداً في
حي شعبي مليء بالضجيج ، فهو من فقراء المسلمين.. وفي مرضه الأخير استأذنته
إحدى الجامعات الاستشراقية الكبيرة في الغرب ، أن تطلق اسمه على إحدى
قاعاتها الكبرى ، فرفض ذلك قائلاً : (لقد حاولوا شراء هذا القلم من قبل
فما استطاعوا ، ولن أمكنهم اليوم من ذلك أبداً).

مضى الرجل إلى ربه يوم الاثنين 14/11/1422هـ الموافق 28/1/2002 بعد صراع
طويل مع المرض الذي شل حركته.. رحل أنور الجندي عن خمسة وثمانين عاماً
أمضاها في طاعة الله ، والذود عن الإسلام ، وقد خلف أكثر من ثلاث مئة كتاب
، ذكر الطبيب الذي كان يعالجه : أنه استقبل القبلة قبل مفارقة الدنيا ،
وصلى ، وقال بصوت مسموع : "إني فرح بلقاء الله" "
__________________

عادل إمام ممثل مصري كوميدي، يعتبر من
أهم الممثلين المصريين المعاصرين. ولد في 17 مايو 1940 وتخرج فى كلية
الزراعة التي تخرج منها الكثير من الفنانين المصريين. بدأ حياته الفنية
على مسرح الجامعة ثم أسند اليه دور صغير من الفنان فؤاد المهندس في مسرحية
"السكرتير الفني"، أصبح ممثلاً مرموقاً في مرحلة السبعينيات من خلال
أفلام: "البحث عن فضيحة و "البحث عن المتاعب" مع الفنان الكبير محمود
الميلجي وناهد شريف وصفاء أبو السعود. ثم تلت ذلك مرحلة أخرى مثل بها
أفلام مثل "خلي بالك من عقلك"، و "خلي بالك من جيرانك"، ثم لعب أدوار أكثر
جدية في الثمانينيات ومثل الكثير من الأفلام.
في التسعينات أخذت أفلامه الصبغة السياسية الإجتماعية التي تعكس اهتمامات
رجل الشارع العادي في المجتمع المصري والعربي بشكل ساخر يهدف أولاً
وأخيراً إلى الاضحاك. كون ثنائيا فنيا رائعا مع الفنانة لبلبة ويسرا
واللتين اشتركتا معه في الكثير من الأفلام الناجحة

إختلفت الاراء حول عادل إمام بين من يراه ممثلا رائعا وبين من يراه لا يقدم إلا الاسفاف ، فى هذا العدد نستطلع أراء أعضاء مزيكا اليوم ، حول عادل إمام وهل يستحق لقب الزعيم أم لا
tito_kiko_88 يقول :
((بصراحة كدة الزعيم مايستحقش يبقي زعيم ،هو اينعم عمل افلام كتير ناجحة
بس علي اد كل الي عملة دا قهو عمل بردة افلام فاشلة بالمعني الصريح زي
بخيت وعديلة دا كان من اوحش افلامة واخر افلام له لازم تلاقيها افلام غير
محترمة نهائيا ومحدش ينكر ان عادل امام له افلام كتير حلوة بس كمجمل
بصراحة ودا راي ان هو ميستحقش يبقي الزعيم خالص))

الملاك البري يقول :
(عادل امام له روح خاصه يتميز بها عن غيره من الفنانين واعتقد انه يرسم البسمه على شفاة الجمهور ببساطه وسلاسه
انا شخصيا بضحك من قلبى لما بتفرج عليه وهو ده الفرق بينه وبين اى فنان
اخر انه يخليك تضحك من قلبك فى فنان ممكن يخليك تضحك بس ضحك مش من القلب
واعتقد لقب الزعيم شويه على عادل امام ))

Mr Spy يقول:
(لا يستحق لقب الزعيم لانه حتى لو كان ناقش قضايا لم يجرؤ غيره انه
يناقشها فانه ناقشها باسلوب يبتعد تماما عن الدين الاسلامي ويخالفه
والمفروض على الزعيم الحقيقي ان اهم حاجه يحافظ عليها هيا دينه ويكون قدوة
حسنه للناس اللي اطلقت عليه اللقب ده لكنه للأسف غير كده تماما)

AL-SHIMAA تقول:
(عادل امام بلاشك فنان كوميدى رائع لكن مع بعض التحفظات فهو احيانا بشعر
انه نسى ان شهرته دى اساسها الجمهور لانه ساعات بيكون متكبر والزعامة
وخداه
كمان الامثلة الدينية فى كل افلامه امثله سيئة لازم يطلع المتدين يا منافق
يا مرتشى يا نصاب مفيش مثال لانسان متدين محترم فى افلامه ابدا غير كده
طبعا المشاهد اللى الواحد يخجل يشوفها وسط اهله يعنى هو فنان كوميدى
ويستحق لقب الزعيم لو احترم جمهوره وفنه . )

saso4love55 يقول :
(اعتقد ان عادل امام يستحق اللقب دا لانه بطل بمعني الكلمه وكل اعماله
الفنيه تدل علي ذلك وحتي في تقدمه في السن تحس بانه شاب في اعماله الفنية)

t0ti يقول:
(عادل امام فنان كبير يجب علينا احترامه لما قدمه من فن وابداع طوال اعوام
ماضيه كثيرا كما اننا لا ننسى انه الفنان العربى او العالمى الوحيد الذى
تغلب على البطوله المطلقه حتى هذا الاوان اعتقد اننا لابد من ايجاد حقه
ولو بعض منا نكره فأنه اخذ اللقب بالفعل وليس بأدينا تغيير هذا اللقب
واجابتى استحقاق عادل امام للقب الزعيم )

Love_ahmed يقول:
(اولا انا بشكركم على مجهودكم الفوق الرائع ،بالنسبه لراى فى عادل امام
فهو يستحق اللقب ده لتاريخة الطويل مع انى لي شويه تحفظات عليه بمعنى انهم
زى ما بيقولوا كبر وخرف دلوقتى افلامه بقت عبارة عن كوميديا ساخرة وتحتاج
وقفه منه لانه زى ما بيقولوا دلوقتى بقى بيطلع الفيلم ولازم يبق عارف مين
البطله الى معاه ،بس كرأيي الشخصى يستحق اللقب ده)

O_n_a_r_yahia

(عادل أمام لايستحق لقب زعيم
فالزعامه ليست من هذا المنطلق الزعامه ان تكون قائدا لعقول تسرتشد بك وان تكون نورا فى الظلام يستنير بك الاخرون
هذه هى الزعامه فى كل ماسبق عادل أمام هو ممثل ليس الا هذا مايستحقه هو أقل بكثير من أذكره بزعيم

ايمى3 تقول
((هو عادل امام اه ممثل مفيش خلاف انه ممثل كويس وكوميديان وبيضحكنا واستمر حتى الان رغم كبر سنه
بس برضوا انا مش موفقه انه يستحق لقب الزعيم بسبب المشاهد ال بتبقه موجوده فى افلامه من عري والفاظ خارجه
فالزعيم المفروض يكون ممثل محترم وقدوة يحتذى بيها وغير كده بقه قليل اوى لما تلاقى حد محترم دلوقت
فالمفروض ميبقاش فى المشاهد ال بتبقه موجوده والالفاظ الخارجه

معلومـــات علميــة

1- تحتــاج صناعة طن واحد من الحديد الى 170 طن من المــاء ... بينما يحتــاج صنــاعة طن واحد من الصـابون الى 2طن فقط من المــاء

2- الميثوزلوجيــا : هو علم الخرافات والاسطايـر

3- هــل تعلم ان الرجــال اكـثر احتمــال بمرض النقرس عن النســاء

4- هل تعلم ان الاشــعة فوق البنفسجيــة هى فيتامين (د) ونجدها فى اشعة الشمـس

5- هـل تعلم ان الزجــاج هو ســائل لكنه لا يذوب

معلومــات ثقافيــة

1- هل تعلم ان الذبــابة تهز جنـاحها حوالى 32 مرة فى الثـانية الواحدة

2- هـل تعلم ان النســور لا تموت ولكنــها تنتحــر بسبب المرض

3-هل تعلم ان نـصف غــاز الاكسوجين فى الجو هوا نتيجة النبـاتات المغمورة فى الميــاه

4- هــل تعلم ان الحصــان بامكانه ان يعيش مدة 25 يوم بدون طعــام

5- هـل تعلم ان مديــنة قرطــاج تأسست عــام 814 قبـل الميـلاد على يد اميــرة هـاربة من لبــنان

معلــومات عامة

1- اول من سيــر البريــد من الحجاز الى العراق هو المهدي العبــاسى

2- اول من دار حول العالم هو الرحـال البرتغالى مجلان فى القرن ال16 الميـلادى

3- هل تعلم ان معدل الجريــمة فى جزر المالديف منذ حصــولها على الاستقـلال عام 1965 هو لا شــئ

4- اول من قدر رواتب العمــال وحددها هوعمر بن الخطــاب رضى الله عنــه

5- هـل تعلم بوجود دولة لا يوجد بهــا نقود وهى لاووس بجنوب شرق اســيا

مشكوووووووووووووووووووووور
©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــ رائع جدا جدا جدا جدا ــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــ يعطيك العافية والمزيد من الابداع ــــــــ¤©§¤°حلو ووو°¤§©
©§¤°يسلموو°¤§©¤ــ ـــــــ¤©§¤°ح لو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــــ¤©§¤°ح لو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور

مش فاهم حاجة

جامد مشكورر يابوب