شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)

شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)
__________________________________________________ ___________________

الموضوع قد يحتوي علي بعض الالفاظ او الجمل التي قد تخدش حياء البعض (مش اوي يعني) او بمعني اصح تؤذي مشاعرهم نظرا لان المجني عليه كانت تحكي الحادث الاليم

جاءت إلي مكتبي علي غير موعد‏..‏ فتاة لم تكمل أعوامها العشرين بعد‏..‏ ملامح مصرية صميمة‏..‏ شعر أسود مرسل علي الجبهة وعلي الأكتاف‏..‏ تحسبها أختك أو زميلتك في الجامعة‏..‏ عيون سوداء ترسل نظرات تحمل ألف معني ومعني‏..‏ كأنها طلقات رصاص حي‏..‏ بادرتني قبل أن أرحب بها بقولها‏:‏ أنا واحدة من الفتيات اللاتي تحرش بهن الشباب في شارع جامعة الدول العربية ثاني أيام العيد‏!‏

قلت لها قبل أن أجلس إلي مكتبي‏:‏ ياه‏..‏ دي الشرطة بتدور عليك‏!‏

قالت في هلع‏:‏ ليه‏..‏ أنا المجني عليها مش المتهمة‏..‏ يروحوا يمسكوا العيال الديابة اللي طايحين في الشوارع‏..‏ واللي مبرشم واللي طهقان من عيشته‏..‏ واللي بيفش غله في بنات الناس الغلبانين اللي خرجوا يشموا هوا واللا ياكلوا حاجة واللا يشتروا حاجة في ليلة عيد‏..‏ يقوم يكون نصيبهم التحرش السافر والعلني والجماعي في وسط الشارع والناس رايحة وجاية‏..‏ ومحدش قادر عليهم ومافيش عسكري واحد يوحد الله يوقفهم عند حدهم بصغاره واللا حتي بعصاية‏!‏

قلت لها‏:‏ اهدي كده‏..‏ وقولي لي انت تلميذة؟

قالت‏:‏ كل اللي قاعدة قدامك ده تلميذة لسه‏..‏ أنا طالبة في كلية الآداب وقسم عربي كمان‏..‏ واسمي سناء‏..‏ لو كنت عايز‏..‏

قلت‏:‏ سناء إيه؟

قالت‏:‏ لحد كده كفاية‏..‏ لا أنا عاوزة صورتي في جرايد ولا اسمي عشان أهلي لحد النهاردة ميعرفوش إن أنا واحدة من البنات اللي داسوا علي شرفها وتحرشوا بكل حتة في جسمها أنا والبنات التانيين‏..‏

قلت لها‏:‏ تعرفيهم؟

قالت‏:‏ ولا شفتهم قبل كده‏..‏ أنا كنت لوحدي مستنية واحدة صاحبتي زميلتي في الكلية عشان نتسوق في المهندسين في العيد‏..‏ لسه يادوب واقفة علي محطة الأوتوبيس‏..‏ لقيت الفيضان‏..‏ فيضان الشباب الصايع الضايع زي التتار بيجروا ورا بنت غلبانة زيي كده‏..‏ شدوا الـ تي شيرت بتاعها قطعوه وبان السوتيان بتاعها وهي بتصرخ وبتجري في كل حتة‏..‏ قاموا شافوني اتلموا علي أنا كمان‏..‏ وهما بيصرخوا‏:‏ وليمة ياللا‏..‏ وليمة‏..‏ ياللا ناكل هم هم هم‏..‏ كأنهم من بلاد نمنم كما كنا نشاهد في روايات ألف ليلة وليلة‏..‏ حاجة كدة زي كابوس‏..‏ زي حلم مزعج‏..‏ زي فيلم من أفلام الرعب‏..‏ ربنا ما يوريك‏..‏

يسيل خط من الدموع فوق وجنتيها‏..‏ أقدم لها علبة مناديل‏..‏ أضعها أمامها علي يد الكنبة السوداء التي تجلس عليها‏..‏ تجفف دموعها بواحد منها دون صوت‏.‏

أوقظها بسؤال كالصاعقة‏:‏ طيب ما هو الأولاد دول حيعملوا إيه‏..‏ وأنتم يا بنات ويا ستات لابسين حاجة كدة من غير هدوم‏..‏ وماشيين كده تتقصعوا يمين وشمال‏..‏ في دعوة صريحة منكن للمعاكسة والمغازلة وما خفي كان أعظم‏!‏

تقف منتفضة من مقعدها كمن لدغها عقرب يتيم الأبوين وهي تقول‏:‏ أهو أنا قدامك أهو‏..‏ آخر حشمة‏..‏ فستان طويل تحت الركبة بكثير بأكمام طويلة‏..‏ ووجه من غير مكياج‏,‏ ولا رميل في العينين‏,‏ ولا أحمر قوطة علي الشفايف‏..‏ بذمتك وإيمانك دي حد يعاكسها في الشارع‏..‏ يقلعوها الفستان قدام الخلق ويشدوه يقطعوه‏..‏

ويخلوني عريانة بالقميص الجواني ونص الفستان المهربد المقطع‏!‏

قلت لها‏:‏ والبنات التانيين‏..‏ كانوا زيك كده‏..‏ آخر حشمة وتحشم‏.‏

قالت‏:‏ ماليش دعوة بحد غيري‏..‏ البنات والستات تلبس اللي هي عاوزاه‏..‏ لكن هل هذا مبرر للشباب الضايع الصايع انهم يتحرشوا بيهم‏..‏ وعاوزين ياكلوهم أكل‏..‏ وقدام الناس‏..‏ وفي الشارع وماحدش عارف يكسر سمهم‏!‏

أسألها‏:‏ وانت عملت إيه؟

قالت‏:‏ رمونا علي الأرض أنا وثلاث بنات زيي كده ماعرفهمش‏..‏ وركبوا فوقنا‏..‏ أي والله ركبوا فوقنا وهما بيصرخوا وليمة‏..‏ هم هم هم‏!‏

فيه ثلاث ستات محجبات هجموا علي العيال وخلصونا من إيديهم‏..‏ ونالهم برضه من الحب جانب‏!‏

أسألها‏:‏ يعني إيه يا ست سناء؟

قالت‏:‏ يعني برضه قرصة‏..‏ غمزة‏..‏ قفشة‏..‏ كده‏..‏ ما أنت عارف كل حاجة‏!‏

أسألها‏:‏ ومافيش شرطة تحميكم؟

قالت‏:‏ صلي علي النبي‏..‏ دول الظاهر كانوا بيعيدوا واللا بيوقفوا المرور عشان واحد عظيم يعدي‏!‏

أسألها‏:‏ وانت مين خلصك من بين أنياب الذئاب؟

قالت‏:‏ واحدة ست‏..‏ خد بالك واحدة ست مش واحد راجل‏..‏ الظاهر ما بقاش فيه رجالة في الزمن ده‏..‏

قلت لها‏:‏ ما يجيبها إلا ستاتها‏!‏

قالت‏:‏ واحدة ست كبيرة شوية لابسة أسود من فوقها لتحتها‏..‏ شدتني من علي الأرض‏..‏ وقومتني وهي بتضرب بإيديها ورجليها في العيال الصيع وخرجتني بالعافية من وسطيهم وأنا آخر بهدلة‏..‏ وركبتني تاكسي وادتني ورقة بخمسة جنيهات‏..‏ بعد ما ضاعت شنطتي وفيها كل حاجة‏..‏ البطاقة وكارنيه الجامعة وكيس الفلوس فيه العيدية وفلوس المشتريات والموبايل كمان‏..‏ وقالت للسواق‏:‏ دي بنتي روحها‏..‏ وأنا أخدت نمرتك والسواق كان شهم‏..‏ وماخدش أجرة التوصيل‏!‏

أسألها‏:‏ قالولك إيه في البيت لما شافوكي كده مقطعة وتقريبا من غير هدوم؟

قالت‏:‏ أنا برضه فكرت في الحكاية دي‏..‏ رحت عديت في السكة علي واحدة صاحبتي‏..‏ طلبت من البواب يندهلها تنزلي‏..‏ نزلت وصرخت لما شافتني‏..‏ القصد خدت حاجة من عندها‏..‏ وروحت ما نطقتش أي كلمة‏..‏ وأي حكاية برضه تتحكي‏..‏ دي حكاية عاوزة مندبة وطابور ندابات من نوع أم جلجل الندابة‏..‏ يعيطوا ويلطموا علي شباب مصر‏..‏ واللي جرالهم وبنات مصر واللي بيحصل لهم‏!‏

قامت منتفضة من مكانها‏..‏ لملمت حاجاتها‏..‏ وقالت لي‏:‏ سلام بقي‏..‏ وسلم لي علي الشباب اللي موش لاقي حد يلمه‏..‏ كفاية عليهم أفلام البورنو والكليبات العريانة اللي بيصوروها في غرف النوم‏..‏ وسلم لي علي العولمة‏..‏ وسلام مربع لرجال الشرطة‏..‏ كتر خيرهم جم بعد ما شطبوا علي البنات قدام الناس‏..‏ عملوا معاهم كل حاجة‏..‏ ناقص بس‏..‏ واللا بلاش الكلام القبيح ده‏!‏

قلت لها‏:‏ لكن الشرطة عاوزاكي‏..‏ والنيابة كمان عشان ياخدوا أقوالك بصفتك مجني عليها مش متهمة‏!‏

قالت‏:‏ مجني عليها‏..‏ متهمة‏..‏ أنا ما أروحش أقسام ولا نيابة‏..‏ انت عاوزني أتفضح أكثر ما اتفضحت‏..‏ انت ناسي إن أنا بنت جامعية ولي أهل واخوات وعيلة كبيرة متلتلة‏..‏ كفاية فضايح وحياتك‏!‏

قلت لها‏:‏ لكن انت قلت إن اسمك سناء وطالبة في كلية الآداب قسم عربي‏..‏ ممكن لو هما عاوزين‏..‏ يجيبوك‏!‏

قالت قبل أن تغلق باب حجرتي من الخارج وتمضي لحال سبيلها‏:‏ انت عارف فيه كام سناء في كلية الآداب؟

أسألها‏:‏ كام؟

قالت‏:113‏ واحدة‏..‏ يبقوا يدوروا بقي‏!‏

عادت لتفتح الباب وتطل برأسها من جديد وهي تقول بخبث البنات هذه المرة‏:‏ وممكن كمان يا صاحبي يكون اسمي مش سناء‏!‏
‏
..............‏ ‏
..............‏
قلت للصديق اللواء عدلي فايد مساعد وزير الداخلية لشئون الأمن العام‏:‏ واحدة من الفتيات التي تبحثون عنهن في مكتبي‏!‏

قال‏:‏ تقصد اللاتي تعرضن للتحرش في ليلة العيد؟

قلت‏:‏ أيوه‏..‏

قال‏:‏ هاتها أرجوك عشان التحقيق يكمل‏!‏

قلت‏:‏ معلهش بقي‏..‏ دي موش راضية وخايفة من الفضايح‏..‏ وبمجرد أنها سمعت أنها مطلوبة في البوليس والنيابة خافت وهربت‏!‏

قال‏:‏ دي شاهدة ومجني عليها مش متهمة‏!‏

قلت‏:‏ لكن تقول لمين‏..‏ بعد اللي حصل لها ولزميلاتها في وسط أكبر شارع وأزحم شارع في العيد‏..‏ الشرطة كانت فين ليه ماجتش في الوقت المناسب تماما‏..‏ وفين عسكري زمان اللي كان بيزعق ويقول‏:‏ مين هناك؟ زي ما شفنا واحنا صغيرين‏..‏ زي ما شفناه في أفلام الأبيض والأسود؟

قال‏:‏ انت عاوز العسكري بتاع زمان يرجع‏..‏ إزاي بس‏..‏ دي القاهرة لوحدها عدد سكانها فوق الخمسة وعشرين مليونا‏..‏ ومصر كلها زمان كان تعدادها لا يتجاوز هذا الرقم‏!‏

قلت‏:‏ إيه اللي حصل؟

قال‏:‏ دول ييجي كده مائة شاب جايين من حواري وأزقة إمبابة والعمرانية والوراق‏..‏ تحرشوا بأربع بنات في شارع جامعة الدول العربية في ليلة ثاني أيام العيد‏..‏ ضبطنا‏38‏ في الحال‏+40‏ في اليوم الثاني‏.‏

هجوم من الأحياء الفقيرة علي وسط المهندسين‏..‏ زي التتار بالضبط ما تقدرش تمنع حد إنه ينزل البلد عشان يعيد ويفرح ويهيص‏..‏ لكن الأعداد الكبيرة بتعمل حاجة بيسموها في علم الاجتماع‏..‏ غوغاء العامة‏..‏ وهذه من الصعب السيطرة عليها‏..‏ وهذا هو ما حدث بالضبط‏..‏ تجمع هائل في الشارع‏..‏ وعندما يشعر هؤلاء القادمون من بيئات متدنية‏..‏ بأنهم أصبحوا أقوياء بالكثرة يفعلون ما يفعلون وكما رأيت‏!‏

قلت‏:‏ لكن الشرطة كانت غير موجودة؟

قال‏:‏ الشوارع غير الشوارع‏,‏ والعربات زادت بقت أكثر من مليوني في عاصمة ما تستوعبش أكثر من‏400‏ ألف عربية‏..‏ مافيش أوتوبيسات عامة وعربات السرفيس زاحمة الدنيا برذالة وقلة ذوق‏..‏ وبعدين ما تنساش كمان إن الناس اتغيرت‏..‏ ما بقاش فيه أخلاق‏..‏ أما كنت تركب أوتوبيس وتلاقي راجل كبير تقوم تقف وتخليه هو يقعد‏..‏ والستات كانوا بيلبسوا جابونيز وماحدش كان بيقرب منهم‏!‏

دلوقتي الشباب نازل من بيته عشان يعاكس بس‏..‏ كل هدفه المعاكسة وبيعتبر دي رجولة وبطولة وجدعنة‏..‏ زي ما بيشوف في أفلام الأيام دي‏!‏

قلت‏:‏ أصله شباب محروم من كل حاجة‏..‏ لا تعليم كويس‏..‏ ولا وظيفة بيلاقيها‏..‏ ولا لاقي شقة يسكن فيها‏..‏ ولا أمل في جواز‏..‏ وعايش في بيت آيل للسقوط‏..‏ أمه وأبوه ما يبطلوش خناق عشان مصروف البيت‏..‏ واللا يمكن تقع عليه صخرة زي ما وقعت علي اللي ساكنين الدويقة‏..‏ واللا يروح يبرشم واللا يضرب بانجو أحسن‏!‏
‏
...................‏
‏
..................‏
قلت للصديق اللواء حمدي عبدالكريم الذي يقود باقتدار قافلة الإعلام في وزارة الداخلية‏:‏ إيه الحكاية؟

قال‏:‏ إنها أخلاق القطيع يا عزيزي‏..‏ القطيع يحكم الشارع‏..‏ نحن نريد ثورة في السلوكيات‏.‏

إذا سألت نفسك‏:‏ لماذا يحدث ذلك؟

الجواب هو‏:‏ البيت هو الأساس‏..‏ لا تربية ولا أخلاق‏..‏ الكل يجري علي لقمة عيشه‏..‏ ولا يهم هنا من أين‏..‏ حلال أم حرام أم نص نص‏..‏

قلت‏:‏ يعني البيت هو سبب أخلاق القطيع الذي نزل هبرا في بنات الناس في قلب الشارع وفي ليلة عيد؟

قال‏:‏ البيت‏+‏ المدرسة‏+‏ أنتم رجال الصحافة‏+‏ التليفزيون الموقر‏.‏

كنا زمان نقرأ ونتعلم أول مبادئ الأخلاقيات من صفحة الإرشادات في كراساتنا في الابتدائي‏,‏

قلت‏:‏ اغسل يديك قبل الأكل وبعده‏+‏ أطع أباك وأمك‏+‏ قم للمعلم وفه التبجيلا كاد المعلم يصبح رسولا‏+‏ حافظ علي نظافة بلدك‏+‏ دافع عن وطنك شرفك عرضك‏+‏ للشارع حرمته وجلاله لا تلق فيه قمامة ولا تؤذ جارك‏..‏ ومن يستنجد بك انقذه ودافع عنه‏..‏

يقاطعني‏:‏ واليوم إذا رأينا أحدا يقتل إنسانا أو ينال من عرض وشرف امرأة لا أحد يتحرك ولا أحد ينقذ الفتيات من أيدي الذئاب كما حدث ثاني يوم العيد في شارع جامعة الدول العربية‏..‏ وبدلا من صفحة الإرشادات‏..‏ قدمنا له شاكيرا‏!‏

أسأله‏:‏ طيب وأين كانت الشرطة الراكبة أو المتحركة أو الواقفة أو المتمركزة؟

قال‏:‏ لا تلوموا الشرطة في مدينة تعدادها تجاوز الـ‏25‏ مليون إنسان بالنهار‏..‏

إن ما حدث هو بمثابة جرس إنذار للبيت المصري والمدرسة والجامعة والصحافة والإعلام والتليفزيون‏..‏ كلنا مسئولون‏..‏ وكلنا مدانون ولابد أن نتحرك قبل أن يفلت منا الزمام‏..‏ وساعتها لا ينفع الندم‏..‏ واللا إيه‏!‏
‏
.......‏‏
......‏
ماذا نحن صانعون؟

هل نقف مكتوفي الأيدي أمام جنوح القطيع وانحرافه عن الخط وسقوطه في حفرة التحرش وخدش الحياء العام وافتراس الفضيلة أمام كل الأعين ونحن عنه لاهون؟

أم نتحرك قبل فوات الأوان وليس كعادتنا دائما بعد فوات الأوان؟

هل حان الوقت ان لم يكن قد فات لاعداد قانون جديد يحمي المرأة من غدر الذئاب وتقنين تشريع يحمي من التحرش الجنسي في الشوارع؟

يا أولي الفكر والفهم والألباب فينا‏..‏ أفتونا‏!{‏

تحقيق الاهرام يوم السبت الموافق 11-10-2008
بقلم عزت السعدني
نقلتها بنفسي admin

انا مكنتش اعرف ان انا ممكن اخدها من موقع الاهرام فكتبتها بنفسي

بس بعد كده لقيت ان الاهرام منزلها في الموقع بتاعه مسحت اللي انا كتبته علشان لو في اخطاء مطبعية ولا حاجة

http://www.ahram.org.eg/archive/Inde...1.htm&DID=9732
ده لينك الموضوع في الاهرام

كان المفروض اراسل جريدة الاهرام علشان حقوق النشر الاول بس بجد الموضوع مش مستحمل تأخير و اعتقد انهم مش هيمانعوا لان الموضوع خطير جدا و الحادثة فريدة من نوعها عالمياً

شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)

الموضوع مفتوح للنقاش و الاراء و كل حاجة في حدود الموضوع طبعاً
ارى ناس يالا نشوف

لا حول ولا قوة الا بالله ...بجد كان قلبي بيتقطع والله مع كل كلمة بقراها ...
حسبي الله ونعم الوكيل
حسبي الله ونعم الوكيل
معنديش كلام تاني اقدر اقولو ...
رد مع اقتباس

وشوف رودو ناس فى شارع اية
3

انا مش عارف اقول ايه يا ماكس والله

انا بجد حسيت ان قلبى اتقبض والبنت بتحكى مش عارف ايه الشباب دى

واللى بجد خلانى افوق شوية كلمتين قالهم اللى هما

شباب محروم من كل حاجة‏..‏ لا تعليم كويس‏..‏ ولا وظيفة بيلاقيها‏..‏ ولا لاقي شقة يسكن فيها‏..‏ ولا أمل في جواز‏..‏ وعايش في بيت آيل للسقوط‏..‏

بجد فعلا الطالب الوقتى اللى ف ثنوى شايل هم نفسه المناهج صعبة وعايزة مزاكرة كتير وطبعا

اعمال سنة اول ترم ووسايط المدرسين لو مختش درس هتسقط ومش عارف ايه والحكومة بنت ال هتعمل

نظام اللى يخش كلية يسئله 36 سؤال تقريبا عشان يخش الجمعة ولو معرفش يخش بقى اى جمعة خاصة

بجد دى بلد الواحد فيها يعرف يعمل حاجة الواحد خايف يسقط ولا ميجبش مجموع ميعرفش يكمل تعليمه ازاى

بعد كدة ربنا معانا احنا فى بلد لا يعلم بيها الا ربنا فين ايام عمر ابن الخطاب انا كنت بتمنى انى اكون ايام

زمان كل اللى اقدر اقوله حسبي الله ونعم الوكيل

اقتباس:
قلت‏:‏ أصله شباب محروم من كل حاجة‏..‏ لا تعليم كويس‏..‏ ولا وظيفة بيلاقيها‏..‏ ولا لاقي شقة يسكن فيها‏..‏ ولا أمل في جواز‏..‏ وعايش في بيت آيل للسقوط‏..‏ أمه وأبوه ما يبطلوش خناق عشان مصروف البيت‏..‏ واللا يمكن تقع عليه صخرة زي ما وقعت علي اللي ساكنين الدويقة‏..‏ واللا يروح يبرشم واللا يضرب بانجو أحسن‏!‏
هنا المشكله ما ننساش الربايه ليها دور اساسي لو الانسان متربي كفايه انو هيبقا بيعامل الي قدامو على انها اختو

ممكن يحط اختو مكانها بيقلو ولا شقه ولا جواز فعلا تعالى هات واحد خاطب مثلا او كاتب كتابو مستحيل نادر ان تلاقي بتصدر اجه زي كدا من شاب خابط او كاتب كتابو وطبعا المتجوز دا ليه وضع تاني

حط نفسك مكانو واحد عندو 25 _27 سنه مثلا معهوش تمن سكينة المعجون الي ممكن يضرب بيها الشقه بتاعتو نقاشه بيبص يلاقي الشقه بالشيئ الفلاني وهوا معهوش غير قليل يقعد يحسبها يلاقي انو عشان مثلا يجيب الشقه بس وهتبقا ايجار يعني هياخد ممكن خمس سنين وهوا عمرو كام 25 مثلا سيبك من الشقه هات العروسه شوف مهر كام وشبكه بكااام وكام وكام كتير حط دا كو وحط الضياع دا كلو جنب الربايه وانو معدتش فارقه معاه خلاص يبقا التدهور الاجتماعي + الربايه + المستقبل الضايع+ الحاله النفسيه السيئه الي نتجت عن الي بيحصل + و+ و+ كتير اوي = بقا ان البني ادم دا عنيه مش هتبقا طبيعيه زي البشر هتلاقيها سوده هيتحول من الاخر لوحش ضعيف كل الي بيملكو انو يشرب حاجه تنسيه همو والحاجه الي نفسو فيها في الحلال بيلاقيها في الحرام هتلاقي بني ادم تاني"" وبرضو ما تنساش ان كل دا بسبب بعدنا عن ربنا اكيد في غيرو كتير بس مش بيصدر منهم كدا في الي قلبو متربي وقريب من ربنا
والله الكلام كتير والعيب كبير على الدوله وعلى السرقه الي ضيعت الشعب والي في *******************والي والي كل دا ومش عايز مصر تفقر والخير يقل (كان في حديث معناه كدا ان الفاحشه لما تنتشر في الناس ربنا بيبليهم بالغلاء وظلم الحكام ))
عارف تحس انها شبه الايدز فقد المناعه يعني الحكام بيظلمو فاشعب يفقر يقوم الفاحشه تنتشر
طيب منتا ما عملتش حاجه النتيجه عشان تطلع موجبه ولحال يتعدل محتاج معجزه لان صعب شباب زي كدا يتجه لدينووهو فيه دا كلو من فقر وظلم من الحكام اللهم لا اعتراض لكن اكيد في حل اا عن نفسي الي فيا مكفيني
روحت رميت الموضوع من دماغي ههه انا هوجعها ليه فيها الي مكفيها

يارب تفضل منور كدا على طول

انا اسف لو الكلام جرح مشاعرك بس للاسف دي الحقيقة و وجب عرضها كما هي لتوضيح خطورة المشكلة

تم حذف الكلام المباشر يا جميل و انت فاهمني هتودينا في حديد ههههههههههههههههههه

و زي ما قلت لو كل واحد يبدأ بنفسه البلد حالها ينصلح

في النهاية شكرا علي متابعتك و تشجيعكم بالاستمرار

و ربنا يهدينا اجمعين للطريق المستقيم...

معلش بقي بس احتراما لقانون المنتدي اولاً

و ثانيا علشان ما نوجهش التهم جزافا بدون ادلة لحد بعينه

و بعدين كمان ممكن يتقبض علي حد من اللي بيخبط كتير من علي النت عادي علي فكرة عمرك ما سمعت عن حد اتمسك مدونات؟
رد مع اقتباس

مش اقول كتير ولا عتيب الحياة انا عندى 30 سنة وعطل ومعنديش شغيل وطبعا نفس اتزوج لانى خلاص جيبت اخرى اعميل اية اقول انتا وانا فقيراء مش غنى اروح اتحرش بنات فى شارع ايوة صح مش غلط العيب مش فينا احنا حلوين ولا من بنات العيب فى دولة مش موفرانا شغيل لينا ولا بيت نتزوج فيها ولا حياة جميلة زمن كان انسان بتزوج وهو عندوا 15 سنة دوقتيى انا عندى 30 لحد امتى افضل كدة يابقى اروح اشر بحشيش علشان انس صح واروح اغتصاب صح معليش فى كلام باس انتا اقوليت كل واحد يقول رايو بصارحة من غير خوف وشكرا يامانننننننننن

وكمان اقول شى مهم جداا بنسبة لموضوع تحرش هيفضل طول العمر واكتر من انسان بيحب انسانة ومعرفيش يتزجها وقالوا لبعض لازام نسا بعض طب ازاى وهى كان مشكلة بينا هى انا مش هى لانى عطل لانى معنديش شقة فقيراء وانا بحيبها اصبر ومش عارف اعميل اية اروح اتحرش بية او اتزوجها عرفى دة هو حل لقولك ايوة فى زمن دة معليش يامان بنت ليها بتلبيس جذب شوية اقولك ليها لانها كبيرت فى سن عاوزة تتزوج زاى انا كدة بتقول البس واعميل اغراء علشان اتزوج يعنى حكاية كلها فى كلمة وحدة مش البنت ولا رجال العيب فى دولة فقط مش اقول اكتر من كدةةةةةة ولاسف لانن فى هذا موضوع يا مكس اولك انا حسيت بكلامك لانو خلنيى انا من نهاردة اعميل كدة علشان دولة تفوق شوية وتشوف مشكلنا وتحس بينا وشكرااااااااا

بس قولي انت ترضي اختك حد يعمل فيها كده؟ حتي لو اسبابه اكتر من اسبابك؟

اقولك لا طبعا باس هى ممكن يحصلها كدة لانى بتلبسا لبسا جذب لتلفيت لانسان اللى قدامها لانها خلاص كبيرت فى السن وعاوزة تتزوج عاوزة تحس بلحب وانتا عارف بنت زاى ولد لم يكبر عاوزة حد يحيبها وهى تتحب باى شكل من لاشكال يامان تحرش اغتصاب باس كدة

انا بسألك بقولك ترضي علي اختك كده؟

انا بيقولك نعم ممكن يحصلها كدة ارضى فى زمن دة لو زاى انا فى سنى 30 ومش ليقها حد او عريس ممكن تروح هى بنفسها مع واحد كمان واللة يامان العيب مش فين العيب فى دولة ولا انا اشتغليت ومتزوج اروح لية وتحرش بينت فى شارع ولو فى عجز ف لازواج لية فى مصر مش علشان كدة البطالة ديت مشكلة

انا اسف جدا لأري منك هذا الرد,,,

انا شاب زيك بس بجد عني ما اتجوزت ولا هي تتجوز لو كان ده هيخليني اعمل كده في بنات الناس

يعني اغضب ربنا -سبحانه و تعالي- علشان شهوة و غرائز حيوانية؟

استغفر الله العظيم لا و الف لا ... حياتنا اصلا زائلة و متوسط عمرنا اقل بكتير من اعمار البشر زمان احنا متوسط العمر عندنا 60 سنة فات منهم قد ايه و فاضل قد ايه علشان اغلط غلطة زي لا يا عم الله الغني .

سوري يعني دا الواد يغلط مع واحدة بمزاجها احسن ما يغتصب واحدة او يتحرش بواحدة لا ليها في التور ولا في الطحين.

هما الاتنين غلط في غلط بس علي الاقل مش هيضيع معاه واحدة مالهاش اي ذنب.

و ربنا يستر علينا يا اخي بالنظام اللي انت بتتكلم عنه ده بجد علي الدنيا السلام و الواحد يعود لعصر عجيب تحبس النساء فيه في المنازل خوفا عليهم من الغابة الموجودة خارج المنزل.

اسف و لكن لا استطيع تحميل الحكومة بتهمة سوء اداب الشعب

التربية الاجتماعية ربما تتأثر و لكن تربية المنزل لم يكن عليها ان تتأثر حتي تحت وطئة ظروف المعيشة الصعبة فقبل ان اوفر لأبنائي سبل معيشة فقط يجب ان اجعلهم مؤهلين لخوض هذه الحياة بكل صعوبتها والا اكون قد عاق لاولادي و هنا ليس علي ان اندهش اذا اصبح ولدي عاق لي فيما بعد فأنا لم احسن تربيته من البداية و هذا ما يحاسبنا عليه المولي -عز وجل-.

جامدددددددددددددددددددددددد

tanxxxxxxxxxxxx yaman good

tanxx yaman good

مشكورر جامد موت

موضوع جامد وانتا اجمد واللة

جامد موت بجد تسلم

مشكوررر يابوب

taxnn alot tito merce

حسبى الله ونعم الوكيل