تامر حسنى:عمرو دياب استاذى ومثلى الاعلى

--------------------------------------------------------------------------------

يا جماعه كلنا عارفين ان تامر بيحب عمرو دياب جدا وبيسمع اغانيه عالطول وانا كنت عايزه ابين الكلام ده علشان نوقف الحرب اللى بين التيموريه والديابيه واحنا عارفين ان مفيش مشاكل بينهم وعايزه اقول ان احنا فى تامر لافرز كلنا بنحب عمرو وبنحترمه وعارفين هو مين كويس اوى وانا قلت اكتب لكم كل كلمه قالها تامر عن عمرو
فى حوار فى مجله الشباب قال: مينفعش اتقارن بعمرو دياب انا فين وهو فين
وفى حوار تانى : عمرو دياب ده استاذى واانا لسه بتعلم منه ومثلى الاعلى
وعن التشابه فى اغنيه ضحكت وسيب الحب قال:ده ممكن يكون تشابه خواطر ولو انا كنت نزلت الشريط بعد عمرو كان هيتقال ان انا سرقتها من عمرو
سالوا تامر عن رايه فى شريط عمرو رد وقال:انا مقدرش اقول رأيى فى مطرب فى حجم عمرو دياب بس انا كواحد من معجبيه اقول الشريط تحفه ويستاهل التاخير ده
وطلع تامر فى فيلم عمر و سلمى مشغل اغنيه كمل كلامك
ومن الاداره فى تامر لافرز واحد بيحلف انه تامر كان مشغل شريط "الليلادى" فى عربيته
افتكر ان الكلام ده دليل كافى ان تامر بيحب عمرو وفيش بينهم مشاكل وياريت احنا نوقف الكلام بينا عشان مفيش حد يكره تامر ولا حد يكره عمرو لان الاتنين نجمين جامدين جدا وتامر مركز فى شغله ولا كمان عمرو خلص كل اللى وراه وفاضى لتامر كل واحد له شغله وجمهوره
انا عارفه ان ناس كتير ممكن تهاجمنى وما يعجبهش الكلام بس انا قلت اللى يرضى ضميرى وافهمكم ان احنا بنحب عمرو ومفيش داعى للكلام اللى بيتقال على كل واحد فيهم
انا حبيت ان ده يكون اول مشاركه ليا عشان نبدا مع بعض بدايه كويسه وسورى لو كنت طولت عليكم