كلمات البوم جوني ( مطر عطشان )

[center]اشتقتلك
اشتقتلك
ووهمت روحى وقلت بعدى بيقتلك
اشتقتلك
خبيت جروحى ف عز خوفى ندهتلك
و سبقت جوايا الحنين
مع انى تايه من سنين
ورجعتلك
اشتقتلك
فاكرة اللى كان بينا زمان
لو مانسيتيش
يبقى مفيش
ولا حاجة تانى تهمنى
دا انا لسه بحلم كل ليلة بالحنان
اللى ف عنيكى
خدنى ليكى و ضمنى

اشتقتلك
ووهمت روحى وقلت بعدى بيقتلك
اشتقتلك
خبيت جروحى ف عز خوفى ندهتلك
قلبك سألنى انت مين
مديت ايدى المجروحين
و ضحكتلك
اشتقتلك
عمرى اللى جى زى اللى فات
بضحك عليه
مانا كنت ايه
غير حلم خايف يبتدى
عايش فصورة بتخطفك م الذكريات
بتدارى فيها
ليه تسيبيها و تبعدى

كرسى القهوة

كرسى القهوة قعدت عليه و البرد الحافى بيكويه
وكراسى كتير من حواليه مقدرش زحامها يغطيه

الكرسى اللى بقاله زمان مستحمل طعم الأيام
مش خايف لا الجرح يبان و يزوق بالحزن عينيه

هايخاف ايه هايخاف من مين ماهو ع الحال ده بقاله سنين
بيطنش رغى القاعدين مع انه بيتونس بيه

شاى فينو و سحلب و لمون و كمان كباية الينسون
بيقولوا الكرسى دا مجنون بيعض الأرض برجليه[/center]