عارفك حبيبتي حنينه

استني حبيبتي رايحه فين
هننام كده واحنا زعلانين
هحكيلك انا قصة حبيبين
كانوا زعلانين من بعض

فضلوا كتير يبصوا لبعض
وعيونهم تبعد عن بعض
زي ما تقولي كان في عند
وبيقوله العند ده اخره بعد

في لحظه كده قرب واحد...والتاني بعد اكتر
راح الاول قال انا هبعد...راح التاني قرب اكتر
لما قرب منه دمع....راح الاول دمع اكتر
بس بلاش الصفحه دي... خلينا فصفحة حضن اكبر

يلا حبيبتي تعالي فحضني
وابعدي لو قادره على زعلي
طب اهون عليكي بجد انا
هزعل بجد لو زعلتي مني

الله على ضحكة عينيكي
عرفت اننا غالي عليكي
تعرفي احلى ما في الزعل
لحظة بعده ما المس ايديكي

حبيبتي انتي بجد اموت...لو كنت سبب دمعه واحده
حبيبتي بموت انا فيكي موت....لأ كده دمعتين مش واحده
يا روح قلبي تعالي جنبي....خلاص انا مش زعلان انا
لو زعلانه سامحي قلبي...عارفك حبيبتي حنينه