سلسله كيف نحيا بالحب؟؟؟ (الجزء الاول)

السلام عليكم ورحمة الله وبركاته...

زى ما باين من العنوان ان الموضوع كبير جدا ومش سهل الموضوع موضوع حياه
وعمر هنعيشهولا زم نعيشه صح نعيشه بسعاده واحنا مبسوطين ومرتاحين ان شاء
الله

طبعا دى امنية كل انسان فى الدنيا انه يعيش مرتاح وسعيد وده اللى هحاول
انى اوضحه للناس بس مش معنى كده انى هسعد الناس او انى ماسك عصايه سحريه
لا انا واحد عادى جدا والله بس نفسى اشوف كل الناس مبسوطه وسعيده والله
وفكرة الموضوع دى جتلى لانى حسيت انى ممكن اكون قريب من المشاكل اللى
بتواجه جيلى واللى كان اغلبها بسبب ان احنا مش بنعرف نحب؟؟؟!!

وده هيكون الجزء الاول من السلسله

مش هقول باه ايه هو الحب لان الحب محدش يقدر يوصفه بس كل الناس تعرفه احساس والاحساس مبنقدرش نوصفه

لكن الاهم هو ازاى نحب ازاى نعرف انه هو ده الحب ازاى نخلى الحب فكل حاجه
فى حياتنا وازاى يكون هدف لينا وازاى يكون وسيلتنا لنجاحنا فى حياتنا
وقربنا من ربنا وازاى نقدر بالحب نوصل لكل اهدافنا وغاياتنا ده اللى
هنقاشه فى سلسله كيف نحيا بالحب؟؟؟

معلش هى المقدمه دى طويله شويه بس علشان طبعا الموضوع جديد

نيجى باه نعرف ازاى هيكون الحوار بينا فى الموضوع ده

اولا انا مش جاى اغششكم واقلكم الوصفه السحريه من عندى علشان ننجخ بيها بس احنا هنساعد بعض وناخد من خبراتنا ونضيف لبعض

بمعنى انى بدايه كل جزء من السلسله هقول العنوان اللى بيدور حوله الجزء ده
وهتكلم شويه فيه طبعا وهحط بعض من اللى عاوز نوصله وهسيب ليكم مطلق الحريه
ان كل واحد يقول اللى عنده واللى من وجهة نظره فى الموضوع وفى الاخر هنطلع
بحاجه اسمها الخلاصه ودى هتكون زى روشته لينا وللى يدخل المنتدى ولحد ما
نخلص السلسله هتكون الجزء الاخير فيها اسمه كيف نحيا بالحب وده هيكون فيه
خلاصات كل الاجزاء وبكده نكون عاملنا حاجه حلوه فعلا لينا ولكل الناس
وربنا يوفقنا

بس اتمنى من كل الناس انها تكون مشاركه معانا من كل المنتديات مش من منتدى
الحب والرومانسيه بس لان والله الموضوع يهم الجميع الموضوع مش موضوع احلام
ورومانسيات وكلام فى الحب وبس لا الموضوع مش ده وبس الموضوع حياتنا يا
جماعه

(الجزء الاول) ازاى نعرف نحب؟؟؟

هى دى البدايه ...

مين شايف انه بيعرف يحب ؟؟

وليه هو حاسس انه فعلا بيحب؟؟؟

وايه مقياسه لنجاح فى الحب؟؟؟

كل الناس ومعظم جيلنا واللى قبلينا واللى بعدينا لازم يكونو بيحبو لازم كلنا نحب بس ازاى نحب؟؟؟!!

الحب هو الهدف الاسمى فى الدنيا بعد رضا رب العالمين علينا طبعا

كلنا ومن غير ما نحس بندور على الحب فى كل مكان كلنا بنبحث عن الحب ومهما
اختلفت الاهداف او تصورنا لشكل الحب ولكن فى النهايه بالنسبة لنا هو الحب

اختلفت ارائنا ووجهات نظرنا ولكن اتفقنا على ان لكل منا ما يحبه ويسعى للحصول عليه لماذا؟؟؟

لانه يحبه

فالانسان فى رحله مستمره باحثا عن الحب

حياتنا بدون الحب نحيا بها كالتائه وسط البحر فى ليله مظلمه ليس بها قمر
والسحاب قد حجب عنا ضوء النجوم فنتوه وسط البحر هنا وهناك الا ان نرى شعاع
صفير من النور فنبتهج به نروح عليه بكل سرعه وكلما اقتربنا زاد النور
وزادت بهجتنا وفرحتنا وسعادتنا حتى نصل اليه فنكون فى قمة سعادتنا وهذا ما
نريده ونسعى اليه

لذلك يجب من ان نعلم

ازاى نحب؟؟؟

ربنا خلق لينا كل حاجه علشان نسخرها لمصلحتنا بس بشرط انها تكون فى مكانها الصح يعنى كل حاجه ليها وظيفه محدده ليها

مثلا: العين للرؤيه الانف للشم الفم للاكل واللسان للكلام .......الخ

لكن بايه نحب؟؟؟؟

ناس بتقول طبعا بالقلب

وناس لا العقل هو الافضل

انتم ايه رايكم؟؟؟وليه؟؟

لو عرفنا بايه نحب يبقى ده اول الطريق لاننا نعرف ازاى نحب؟؟

ودى هتكون بداية المناقشه

مستنى ردودكم واتمنى منكم الاهتمام

معلش يمكن الموضوع لسه مباش مثير لانه لسه فى الاول بنسخن يعنى بس بوعدكم باكتر من الاثاره بوعدكم بحياه سعيده ان شاء الله