نســــــــــــــانـــــــى !!!!

حبيت انسان بس للأسف نسانـي والله انـي ندمـانة لأنـي حبيتـه

حبيته ومن الصد والهجـر عطانـي حبيته و بأصدق احـاسيسي جيتـه

عطيته روحي وقلت انه يتمنـانـي و أنا على نيتي حبيتـه و تـمنيتـه

ومن حبي كتبت لـه أحلى أغانـي وسكنته قلبـي و القلب صار بيتـه

وقلت صدره بيتي و حضنه مكانـي وحطيته بعينـي و بـجفني خبيتـه

قلت يمكن يقدر وبروحه يفـدانـي يمكن يقدر اللي من أجلـه سويتـه

بس ياللأسف مـن قسوته سقانـي وأنا غيـرالحـب والغرام ماسقيتـه

للأسف جرحني و صدمني وبكانـي وأنا اللـي ما عمري في يوم بكيتـه

للأسف بسهولة باعنـي و نسانـي و بكل سهـولـة دمر كل مابنيتـه

فيه حبي و صدقي و حنانـي ليتني ماقدرتـه و لا عزيتـه

ما يستاهـل التقدير لأنـه أنانـي ولا أتشـرف لو قلت اني هويتـه

خسارة فيه شعري وأعذب ألحانـي حـرام فيه كل لحن لحنته و غنيتـه

مقهورة لأنه ذاب في دفا أحضانـي مقهورة لأني في دفا حضني ضميتـه

مقهورة لأنه عاش معي في زمـانـي مقهورة لأني بشعوري دفيتـه

حرام أبكي ويكون مصدر أحزانـي وحرام فيه كلمة حبيتـه و فديتـه

ندمانة و من تأنيب الضمير أعانـي ندمانة على هالحب اللـي حسيتـه

والله كرهت اليوم اللي فيه لقانـي وكرهت اليوم اللـي فيه أنا لقيتـه

كرهت كل لحظة عشتها بأمانـي كرهته والكـره من قلبي أهديتـه

خلاص كرهته بكل أنواع المعانـي وخلاص أنا بعته برخـص ماشريتـه

انا انسانة وأخيراً النسيـان جانـي ونسيانه أسهل مـن حب عطيتـه